موج

 

بقلم/ رأفت عبد العال
للزمن ديمًا حالات
ياما بيموت حاجات
كنت فاكر إني همسك
وإني يومك وإني أمسك
وإني نبضه جوه قلبك
وإني في عروقك مسافر
كنت فاكر!!!!!!!!
إني من بعدك هموت
وإني ذكرى راح تفوت
مستحيل هيعود زمننا
اسألي نفسك تجاوبك
واسألي بيننا الوعود
زي موج البحر حُبك
زي شوك جوه الورود
فاكرة لما نداني قلبك
يومها أعلنت الفروض
واتروى شوقي بودك
يومها حبيت الوجود
وابتديت اعشق طريقك
يومها عشت الف يوم
يوم ما قولتي انت روحي
وانت عمري وانت شوقي
ياللي حُبك نور لعمري
ياللي مرسوم جوه كفي
ياللي عايش جوه قلبي
عمري موهوب بس ليك
كل حُب وله بداية
كل عمر وله نهاية
ليه مصيري يكون لموج
لو صحيح كان غالي بيننا
ارحلي بس بهدوء

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أنت تستخدم إضافة Adblock

برجاء دعمنا عن طريق تعطيل إضافة Adblock