خاطرة بعنوان أحزان بهية

على حزنك ماتت العصافير
جتت بتترمى عيال بتطير
وهمك حدوتة مصرية
تتحكى مع الاساطير
على فين يا بهية
وخداكى الدنيا
على حرق قلب أم شهيد
على حرق كنيسة يوم العيد
على حرق اب مسافر لابنه
جوا قطر سكة حديد
على حرق جامع يوم جمعة
مبنى قصادى ولسة جديد
على فين يا بهية
لسة شوية
ياما هتشوفى كمان وكمان
علشان الدم بقا مية
والضمير بقا ف التوهان
علشان مبقاش جوانا انسان
علشان … علشان … علشان
بقيتى شايلة الهم اكوام
والاحزان تضرب تمام
بقينا عايشين ف جهنم
والماضى دا كان أحلام
لا هيرجع يوم ولا يسلم
بقينا يادوب نتندم
خرسنا خايفين نتكلم
هنصدق مين والا مين
وصبحنا جوانا تايهين
لا متنا ولاعايشين
وسؤال واحد بنقوله
هو احنا بقينا مين؟

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أنت تستخدم إضافة Adblock

برجاء دعمنا عن طريق تعطيل إضافة Adblock