الوجع

بقلم الشاعرة ايمان أحمد

الوجع مصاحبنا من يوم
ماتولدنا
تقولش واخدينه ورث من ايام جدودنا
تتقلب يمين وشمال علي المخده
تفتكر اللي خان واللي باع الموده
والوجع يجي في أخر الليل ويزيد
والدم يغلي في الوريد
تسرح بأفكارك وتحسبها وتقلبها
صحيح دنيا غروره ومحدش عاجبها
وهموم السنين تجيلك كل يوم
هي عارفه معادها في الساعه اللي قبل النوم
تجيلك اسرع من البرق
ملعونه يادنيا وتستاهلي الحرق
مافيش راحه فيكي لافي غرب ولاشرق
الفكر في الغربه عامل زي صاحب أصيل
عمره مافرقنا ولانسي الجميل
يا أخي فارقنا صحبتك والله ماعيزينها
امتي الدنيا تروق وتعدل موازينها
جملها يارب بالستر ولغيرك ماتحوجنا
الوجع مصاحبنا من يوم ماتولدنا
تقولش واخدينه ورث من ايام جدودنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *